Main Tumhain Bataoongi

 

Main tumhain bataoongi

Nazar andaaz kerna kisi kehtay hain

Masroof hona kiya hota hay

Bezaar kaisay hotay hain

Abhi tum bhaago waqt se do qadam aagay sahi

Murdo gay to bataongi 

Mun ke bal girna kisko kehtay hain

Usay Kehna... Jahan Hum Ne Bichartay

 

Usay kehna...

Jahan hum ne bichartay

Waqt likha tha...

Koi rut ho, koi

Mausam...

Mohabbat mer nahi sakti...

Wahan per likh giya koi...

Taluq khuwah kaisa ho, bilaakhir

Toot jata hay!

Tabbiyat bhar hi jati

hay...

Koi manay na manay, per

Mohabbat mer hi jati hay!

To Tum Meray Hone Ki Sanad Ho.

 

Hud se be hud!

Meri aik hud hay,

Aur tum usme be hud ho

Main alif hoon

Aur tum uski med ho!

Daikho to kahin bhi nahi

Sochoon to kuch bhi nahi

Magar...

Jo keh doon!

To tum meray hone ki sanad ho.

Meri aik hud hay!

Aur tum usme be hud ho.

Kabhi Laut Aa Meray Charah Ger

 Kabhi laut aa meray charah ger

Meray rahnuma, meray baakhabar

Mera lafz lafz hay muztarab

Mera sher sher udaas hay

Meray kaafiyay ko kami teri

Hay radeef ko teri aarzo

Mujhay shaeri ki zubaan main

Teray saath kerni hay guftugu

Meray chara gar, meray baakhabar

Meri baat sun abhi laut

Woh Shakhs Mujhay Piyara Hay Usay Kehna

 

Woh shakhs mujhay piyara hay usay kehna

Meray jeenay ka sahara hay usay kehna

loog bohat se piyaray hain mujhko

magar woh sub se piyara hay usay kehna

Mohabbatain, shikayetain, adawatain uski

Mujhay sub gawara hay usay kehna

Chahne walay aur bhi hain lekin

Mujhay sirf intizaar tumhara hay usay kehna

Tujhse Moo Kis Tarah Modta..

Tujhse Moo Kis Tarah Modta..

Pyaar Tera Meri Aur Tha..

Gair Samjha Mujhe Umr Bhar..

Uska Bhi Ek Ajab Daur Tha..

Tujh Ko De Kar Ke Khushiya Sabhi..

Gham Ki Chadar Ko Me Audta..

Ho Na Jaye Kahi Be-Rukhi..

Kis Tarah Me Zuba Kholta..

Teri Yaade Hai Is Shahr Me..

Ye Shahr Kaise Me Chodta..

Dekha Sameer Ne Raat Bhar..

Wo Meri Basti Ka Chor Tha..

Submitted By: Shaikh Sameer

Koi Aisa Kamaal Ho Jaye

Koi Aisa Kamaal Ho Jaye..

Husn Ka Inteqaal Ho Jaye..

Is Tarah Se Na Dekh Tu Mujh Ko..

Mera Jeena Muhaal Ho Jaye..

Sochta Hu Me Jo Har Ek Lamha..

Kaash Tera Khyaal Ho Jaye..

Tere Aane Ki Khabar Sunte Hi..

Shahr-E-Dil Me Dhamaal Ho Jaye..

Dekh Kar Hasna Yun Diwaane Ko..

Shayad Tera Ye Haal Ho Jaye..

Dhundta Me Phiru Jise Sameer..

Koi To Ek Sawaal Ho Jaye..!!!

Submited By: Shaikh Sameer

Mujhay Justujo-E-Ishq Hay

Mujhay justujo-e-ishq hay

Teri qurbaton ka sawal hay

Main hoon ishq se na aashna

Meray dooston ka khiyal hay

Meri qalam hay gawah is per

Meri shaeri bhi daleel hay

Ye Ajeeb Khail Hay Ishq Ka

Ye ajeeb khail hay ishq ka

Main ne aap daikha hay ye moajza

Woh jo lafz meray guman main thay

Woh teri zuban per a gye

Meri umar se na simat sakay

Meray dil main itne sawal thay

Teray paas jitnay jawab thay

Teri ik nigah main a gye

Galay Lug Ker Koi Roye

Galay lug ker koi roye

Nadamat ho to aisi ho

Yehi mehsoos ho jaisay

Kai sadiyaan guzri hain

Faqat ik pal ki furqat main

Aziyyat ho to aisi ho

Mujhay kaanta chubhe aur

Uski aankhon se laho tapke

Taluq ho to aisa ho

Mohabbat ho to aisi ho

Hijar Ka Taara Doob Chala Hai

Hijar ka taara doob chala hai dhalne lagi hai raat wasi

Qatra qatra baras rahi hai ashkon ki barsaat wasi

Tere bad ye duniya wale mujh ko pagal kar den gay

Khushbo k dais men mujh ko le chal apne sath wasi

Yun hi chup ki mohar laga kar kb tak ghum sum betho gay

Khamoshi se dam ghut_ta hai cherro koi bat wasi

Aj to us ka chehra bhi kuch badla badla lagta hai

Mosam badla, duniya badli, badl gay haalat wasi

Mere ghar khushiyon ka ye raqs usi k dam se hai

Us k sath chali jay gi pholoon ki baraat wasi

Chor wasi ab us ki yaden tujh ko pagal kar den gi

Tu qatra hai wo darya hai dekh apni auqaat wasi

Phir Kisi Yaad Ne, Raat Bhar Hai Jagaya Mujh Ko

Phir kisi yaad ne, raat bhar hai jagaya mujh ko

Kiya saza di hai, mohabat ne khudaya mujh ko

Din ko aaram hai na, raat ko hai chain kabhi

Jane kis khaak se, qudrat ne banaya mujh ko

Dukh to yeh hai ke, zamane main milay ghair sabhi

Jo mila hai, woh mila ban ke, paraya mujh ko

Jab koi bhi na raha kandha, mere rone ko

Ghar ki deewaron ne, seene se lagaya mujh ko

Uoon to umeed-e-wafa, tum se nahi hai koi

Phir charaghon ki tarah, kis ne jalaya mujh ko

Dil Ke Lut Jane Ka Izhaar Zaroori To Nahi

Dil ke lut jane ka izhaar zaroori to nahi

Ye tamasha sar-e-bazaar ho zaroori to nahi

Mujhay tha ishq teri rooh se aur ab bhi hay

Jism se ho koi sarokar ye zaroori to nahi

Main tujhay Toot ker chahoon tu meri fitrat hay

Tu bhi ho mera talabgar zaroori to nahi

Ae sitm ger zara jhank meri aankhoon main

Zuban se piyar ka izhaar zaroori to nahi

Teri Talaash Main Mera Wajood Bhi Na Raha

Teri talaash main mera wajood bhi na raha

Mita gye meri hasti ko aarzo teri

Woh sitara hay chamakne do yonhi aankhon main

Kiya zaroori hay usay jism bana ke daikho

Deewangi nahi tu isay aur kiya kahain

Insaan dhoondte rahay perchaiyon main hum

Na janay woh koon sa badnaseeb lamha tha

Jo unki yaad main mujh ko jala giya chup chaap

Ik Tera Ghum Jo Paal Baitha Hoon

Ik tera ghum jo paal baitha hoon

Daikh kitna nidhaal baitha hoon

Ik teri baat mannay ke liyay

Sub ki batoon ko taal baitha hoon

Tujh ko dil se nikalne kay liyay

Dil ko khud se nikaal baitha hoon

Tum Se Bohaut Kuch Kahna Hai Mager

Tum se bohaut kuch kahna hai mager

Kabhi tum nahi milte kabhi alfaz nahi milte

Ek nai dunya basana chahte hai mager

Kabhi nened nahi ati kabhi khwab nahi milte

yeh duria to mitadon main ek peal main mager

Kabhi qadam nahi chalte to kabhi raste nahi milte

Haan Chaand Mujhay Acha Lagta Hay

Haan!!!!

Chaand mujhay acha lagta hay

Kiyon ke.....

Hum aik se musafir hain

Humara aik sa muqaddar hay

Main zameen per tanha hoon

Woh aasmaan per tanha hay..!!

Jitni Duaen Aati Then

Jitni duaen aati then

Sub mang lin hum ne

Jitne wazify yad thy sare

Ker bathy hain

Kaeyi tarha se je dekha hai

kaeyi tarha se merr batthy hain

Lakin jana

Kise bhi soorat 

Tum mere ho ker nahi dete

Silsilay Tor Giya Wo Sabhi Jate Jate

Silsilay tor giya wo sabhi jate jate

Warna itne tu mrasim thay aate jate

Shikwa zulmat-e-shub se tu kahin behter tha

Apne hisse ki koi shama jalate jate

Kitna asaan tha teray hijr main merna janan

Phir bhi ik umar lagi jaan se jate jate

Is ki wo janay usay wafa thi ke na thi

Tum Faraz apni taraf se tu nibhate jate

Ab Teri Yaad Se Wehshat Nahi Hoti Mujhko

Ab teri yaad se wehshat nahi hoti mujhko

Zakham khlne se aziyat nahi hoti mujhko

Ab koi aye chala jay main khush rehta hoon

Ab kisi shakhs ki aadat nahi hoti mujhko

Aesa badla hoon teray shehar ka paani pee ker

Jhoot bolon tu nadamat nahi hoti mujhko

Main ne bhi ki hay mohabbat, so kisi ki khatir

Koi merta hey tu hairat nahi hoti mujhko

Itna masroof hoon jeenay ki hawis main yaro

Saans lanay ki bhi fursat nahi hoti mujhko