Tum Meri Aankh K Taiwar Na Bhula Paoge

Tum Meri Aankh K Taiwar Na Bhula Paoge

An-Kahi Bat Ko Samjhoge To Yad Aunga

Hum Ne Khushiyon Ki Tarha Dukh Bhi Ikathe Dekhe

Safah-e-Zist Ko Paltoge To Yad Aunga

Isi Andaz Me Hote The Mukhatib Mujhse

Khat Kisi Aur Ko Likhoge To Yad Aunga

Sard Raaton K Mehakte Hue Sannaton Me

Jab Kisi Phool Ko Choomoge To Yad Aunga

Ab Tere Ashk Me Honton Se Chura Leta Hun

Hath Se Khud Inhe Ponchoge To Yad Aunga

Shawl Pehnaye Ga Ab Kon December Me Tumhe

Barishon Me Kabhi Bheego Ge To Yad Aunga

Aj Tum Mahfil-E-Yaaran Pe Ho Maghroor Bohat

Jab Kabhi Toot K Bikhroge To Yad Aunga

Haadse Aenge Jeewan Me To Tum Ho K Nidhaal

Kisi Deewar Ko Thamoge To Yad Aunga

Is Me Shamil Hai Mere Bakht Ki Tareeki Bhi

Tum Siyah Rang Jo Pehnoge To Yad Aunga...